老董同阿松突然話要救樓市，八方有個地產代理老友立即嚇到話要搵定後路轉行，重話樓市大崩圍終於來臨！八方叫佢咪大驚小怪，老友好勞氣咁話，從歷史經驗總結，凡係佢老人家好重視、要大力改革者，一定係非死即傷！唔好講佢個「八萬五」搞死樓市，之後搞母語教學、高科技，邊樣唔係搞到唔生唔死先？講番近少少，佢老人家四月先唱好民營企業，話要吸引更多公司來港上市，最近民企爆煲，老友就係中招者之一！
老友話正所謂買馬都要睇往績，以往老董加煲呔只係話要穩定樓市，樓價已經跌到無影，今次話明要托到升，乜嘢環境大家心照。佢好唔客氣咁話，𠵱家樓市低迷，市民唔只係對樓市冇信心，更加係對政府領導冇信心。
傳真︰2623-9278
電郵︰