「偶像齊齊玩」日前找來何韻詩與fans齊齊煮飯仔，阿詩一到場已如臨大敵，似要接受一項大挑戰。阿詩在fans的協助下雖然弄得滿頭大汗，亦終炮製出「愛心椰菜煙肉燴意粉」，連大廚都讚好。
何韻詩日前與《蘋果》讀者齊齊煮飯仔，阿詩甫走進廚房便開始打點一切，身為「大廚」的她更搞笑地叮囑fans在煮食前記得要洗手。十位fans亦頓時成為阿詩的左右手，就連餐廳真正的大廚朱師傅都要站在一旁，聽候「何大廚」的指示。
只見阿詩的廚藝有板有眼，由切菜、烚意粉至調味都一手包辦，更不忘鬼馬地營造歡樂氣氛，fans們亦專心地從旁偷師。
搞到滿頭大汗的阿詩最終成功地製成她的精心傑作──「愛心椰菜煙肉燴意粉」，她更親自餵fans品嘗，各人大讚好味，三大碟的意粉都被吃光。
阿詩還乘機向餐廳的大廚朱師傅請教，朱師傅笑說：「Verygood！都好似屋企煮飯仔自創咁，味道都OK啦，但芝士味就重啲，應該落少少cream去煮。」
對於今次活動，阿詩滿足地說：「可以同fans近距離接觸，都幾好玩。居然有fans肯食我煮嘅嘢，我都感到安慰！今次喺餐廳度煮比較難，唔同喺屋企煮。起初知道要煮成十幾個人份量，都有啲驚㗎，不過都好彩同平時水準差唔多。近排我學緊揸鑊鏟，煮中國菜。」
採訪：羅慧敏、王連連
攝影：仇志德
場地提供：藝術中心雅廚