由沈殿霞（肥姐）主持的清談節目《掌聲的背後》，昨日在電視城錄影第一集，嘉賓則是肥姐前夫鄭少秋（秋官）。
鄭少秋與肥姐離婚十五年，今次首度合作，事前有傳秋官太太官晶華不許他提感情事，昨日秋官突然扯火說：「唏！冇呢件事，都幾十年，喺我哋本字典度冇呢啲嘢。」肥姐則說：「𠵱家我同佢都冇感情事可以提，要提就提個女（欣宜）。」
而開始錄影前，秋官一見肥姐亦即時提起欣宜，大讚愛女人又叻，唱歌又好。肥姐說：「都係我教女有方。」不過秋官卻窒肥姐日日打牌，其後他為了𠱁肥姐開心，就自爆每晚都有收看肥姐主演的劇集《我要Fit一Fit》，還即場讚肥姐說：「嘩！唔認得你，成個少女咁！」令肥姐很開心，還回贈秋官一句，說：「我做戲就唔及你，但做人就好過你少少。」
此外，肥姐較早前提及會請許志安與鄭秀文做嘉賓，前晚安仔表示不會拒絕，他說：「我唔覺得兩個人好過一個人，我同肥姐都夠份量啦！不過肥姐叫到我唔會拒絕。」
採訪、攝影：楊潔雯、王崇穎