【本報訊】保安局局長葉劉淑儀打倒「昨日之我」，推翻過去指《基本法》二十三條立法沒有時間表的說法，首次披露港府已與北京達成共識，要趕於明年七月立法會暑期休會前，通過全部與二十三條相關法例；而且政府將一次過向立會提交「藍紙草案」（正式條例草案），以減省立法程序，顯示政府已迫不及待全力催谷二十三條上馬。 記者：莫劍弦、陳廣慧
葉劉淑儀更指，大多數市民例如「的士司機、酒樓侍應、麥當勞嗰個服務員」，根本不會對具體條文有興趣，但即遭議員批評忽視民意，有的士司機更直斥葉太「搵我哋嚟過橋」！
葉劉淑儀昨聯同六名保安局及律政司官員，出席立法會保安、司法及法律事務委員會聯席會議，眾男士同僚更結上款式不同的紅領帶，盡顯團隊士氣。葉太在會上承認特區政府在時間表上已與中央達成共識，中央及政府均認為愈早就立法，對特區愈有利。
民主黨主席李柱銘要求政府完成三個月諮詢後，明年初先公布「白紙草案」，再就正式條例草案內容進行諮詢，他說：「藍紙兩下就過（立法會），有誠意係咪要拎個白紙傾！」但葉太卻辯稱「藍紙」、「白紙」只是顏色不同：「我唔會再整白紙草案。藍色有乜唔妥啫，我諗最緊要內容啫，唔係顏色嘛？」
葉太又說：「一啲咁技術性、咁深奧複雜嘅條文，香港七百萬市民，有幾多個真係有興趣睇你個白紙草案呀？唔通話平時坐車個的士司機、酒樓侍應、麥當勞嗰個服務員，佢會拎住嚟同我逐條辯論咩？最終現實嚟講，草案都係專家睇嘅啫！」李柱銘隨即指葉太忽視民意前綫何秀蘭更指葉太要有成本效益，最好是不立法。
另外，十多名民間團體代表昨到政府總部請願，抗議港府就二十三條立法削弱港人的人權和自由。