貴為副部級官員嘅中國證監會副主席查史美倫（圖）重臨香江，早排盛傳佢明年三月約滿後會重返香港證監會，取代佢個舊老闆沈聯濤，所以噚日佢出席福布斯CEO論壇後，即刻俾幾十個記者圍住。
查太預咗記者問啲乜，亦預咗點樣耍太極，佢話「多謝大家關心我嘅工作，我仍未做完要做嘅事，所以（留任中國證監定返香港證監）未有決定。」
有人問佢點睇「仙股事件」，佢話「不在其位，不謀其政」；但係記者問佢管轄範圍內嘅CDR（中國預託證券），佢又詐聽唔到唔答，口密程度十年如一日，同佢愛用蝴蝶心口針一樣，無變。
傳真︰2623-9278
電郵︰