昨日遇意外垂危的士司機，為賺錢供樓弄致「無啖好食、無覺好瞓」，有同業對他的遭遇表示惋惜，慨歎現時經濟蕭條市民慳得就慳，是的士行業「嚴冬期」。有司機認為：「𠵱家呢行已經好難搵食，根本搵唔到錢！」
原本任建築工人的阿偉（三十歲），六年前改行駕的士，他笑言入行不逢時見證行業興衰。他表示，「初入行時每一更每月可搵到一萬四千多元，但現時『踩足』十二個鐘才賺得一萬元，扣除油錢車租，根本唔夠『維皮』！」
另一名早更的士司機李先生（四十歲）則慨歎，將軍澳地鐵支線落成間接搶去他們飯碗。他表示，過去每日早上都會到將軍澳接載乘客，一日收入至少三百元，然而自從將軍澳地鐵支線落成，人人改搭地鐵生意下降，感到生意難做。
市區的士司機聯委會主席郭志標指出，經濟差對的士行業打擊最大，不少司機每月淨收入不足四千元，甚至要倒貼車租和燃油費，艱苦經營苦撐下去。
本報記者