合併後的Compaq同HP接踵而來又會有甚麼新搞作？最有機會搶閘登場的，可能是仍然用回Compaq呢個品牌的H5000全新系列，皆因近日網上流傳了三部iPAQ新PocketPC，同屬H5000系列的新PPC各有賣點，一部會備有全球定位系統（GPS），一部就會內置WirelessLAN，而另外一部則備有手機功能，支援GSM制式及GPRS技術，而三部PPC預計會好似現時市面上H3870及H3970同樣內置藍芽。不過，更厲害的是傳聞話部份型號會有指紋掃描裝置，話唔定用家要憑指紋確認身份先至開到機，究竟iPAQ有無咁巴閉？且拭目以待。
記者：招佩珊