珠寶首飾呢樣嘢，試問有邊位女士唔鍾意？尤其係嗰啲大大粒嘅鑽石，就最深得女士們嘅歡迎。不過，葉蒨文就比較喜歡一啲唔係太誇張，而又細細件嘅鑽飾，好似早排佢行過景福珠寶金行時，睇中咗一對圓形鑽石耳環，覺得佢好可愛、好別致，於是諗都冇諗就即刻買咗。至於對耳環究竟花幾多錢？葉蒨文話大約五位數字，但珠寶店都有畀折頭。