呢幾日《基本法》二十三條諮詢文件出爐，葉劉淑儀堅稱多處加設限制嘅建議好「寬鬆」，八方少不免做到頭昏腦脹，噚日先忽然醒起，十八年前嘅呢一日，正正係中英草簽聯合聲明將香港交番畀祖國嘅大日子。
八方有個行家老友，咁啱係九月二十六日生日，當然有更多感慨，佢回想當年爆出中英準備草簽嘅新聞，港人無奈嘅情境仍歷歷在目。今時今日聽到葉劉大刺刺咁話，如果唔服「二十三條」，可以去審裁委員會上訴，佢非常勞氣咁話，唔使返工搵食咩，邊有咁多時間成日去上訴。
呢份真正係阿董送畀聯合聲明草簽十八周年紀念嘅「大禮」。
傳真︰2623-9278
電郵︰