黎明一向是新力唱片一哥，但繼王菲將於下月一日正式加盟新力後，黎明前晚又不慎踢爆周杰倫亦將轉投新力，先後有兩大王牌加盟，二人又是銷量保證，黎明地位似乎岌岌可危。
無綫前晚在紅館舉行《樟木頭小香港群星耀香江》節目，請來一班歌手包括黎明、麥浚龍、許志安、鍾鎮濤、陳小春、陳文媛、李彩樺及Shine等任表演嘉賓。
早前盛傳原本屬BMG唱片的周杰倫被新力重金挖角，前晚黎明竟不慎踢爆周杰倫將加盟新力。
當提到王菲轉投新力唱片時，黎明說：「我都係聽風咋，周杰倫就好似係。」說罷黎明可能自知失言，即補鑊說：「我都係聽番嚟，我知道嘅比記者早少少咋。」
新力先後有王菲及周杰倫加盟，二人均是甚具號召力的歌手，向是新力之寶的黎明地位顯然備受威脅，尤其周杰倫氣勢如虹，問黎明會否怕一哥地位被周杰倫搶去？他一臉輕鬆地說：「就算唔同一間公司唔代表冇競爭，邊有一哥唔一哥，哥前哥後三分險，做好本份啦，冇分高與低。」
新力香港區中文部高級總經理王凱文昨日在電話則說：「香港呢邊就冇傾過周杰倫，唔排除台灣傾咗，香港到現時為止未接到佢會加入嘅消息，我諗黎明係睇到之前有報道咁寫先咁講啫。」王凱文表示將加盟的王菲已錄好一批歌，交予新力發行。陸續有王牌歌手加盟，問他會否減少了對黎明的照顧，王凱文說：「我哋都係照做嘢啫，目的都係幫歌手賣碟。」
另外，前晚黎明與新人麥浚龍同場，問黎明對他有何評價？黎明說：「佢都好勤力，唔勤力都做唔到表演者啦，佢需要好大勇氣嘅。」麥浚龍的外形常被拿作笑柄，黎明此言似明讚暗踩。
採訪：卓寶花、王崇穎、朱芷瑩
攝影：陳偉權