陳冠希（Edison）昨日與Cookies在海灘拍攝電影《九個女仔一隻鬼》，之前雖有傳他曾追求女子組合Cookies的Theresa，但昨日他卻拒絕吻賀剛於周日生日的Theresa。而他和隊長Stephy拍攝一場拖手戲時竟臉紅紅。
陳冠希與Cookies合演的《九個女仔一隻鬼》，昨日在南灣海灘拍攝一場Cookies九女競跑場面，飾演海灘幽靈的陳冠希看中了Cookies隊長Stephy，所以在比賽時刻意拖着她的手，讓她可以得勝，二人拍攝此場拖手戲時均臉紅紅，在埋位後，二人似乎又特別投契。不過陳冠希卻否認因尷尬感臉紅，他說：「喺沙灘拍咗一日戲，先會曬到臉紅啫！」
Stephy則說：「我同Edison（陳冠希）冇尷尬呀！之前我同佢都拍咗一場咀額頭嘅戲，大家都冇嘢。」
而有傳Edison曾力追的Theresa本周日（二十二日）生日，昨日《九》片的工作人員為她補祝生日及切蛋糕，現場有人慫恿陳冠希吻她，但Edison顯得頗避忌，不肯吻賀壽星女。對於前女友陳文媛聲言不會為其個唱做嘉賓，他說：「我冇可能搵佢做嘉賓，但同時我亦唔相信佢會咁講嘢。」
此外，Cookies成員Miki給在場記者追問是否被麥浚龍（Juno）追求，因昨日有周刊指Juno早前曾在公開場合向Miki說：「CanIhaveyournumber？」不過Miki當時沒有給他聯絡電話，而其所屬的EMI唱片公司人員亦即時替她擋駕。
Miki昨日不承認被麥浚龍追求，她說：「根本冇呢件事，我同佢（Juno）都唔熟，公司都叫我唔好拍拖，所以我𠵱家都係以事業為重，印象中我覺得Juno係能歌擅舞，但對佢其他事就唔多清楚啦！」EMI唱片的工作人員昨日亦回應說：「公司都唔係咁贊成Cookies任何一位成員拍拖，目前佢哋應該以事業為重。」
對於有報道指他力追Miki，Juno昨日在銅鑼灣出席一個香水活動時說：「我見過佢哋兩三次，都分唔清楚佢哋個名。」