立法會醫學界代表勞永樂新居入伙，不過唔係佢屋企入伙，係新辦事處啫。佢個新辦事處有成千呎咁大，有間房可以用嚟做網上直播室，逢星期二請啲嘉賓上去討論有關醫療嘅題目。
勞醫生噚日請咗傳媒朋友上去新辦事處講吓工作計劃，佢話除咗醫療之外，重會關注公共政策，定期出版一份《公共政策論壇》，要反映選民同市民嘅意見，又話要做「在野議員」，但唔等於「反對黨」。佢講到急症室要收費，認為政府應該將收費政策全部話畀市民知，唔好今日急症室收一百，三個月後又增收其他項目。佢重建議民政事務局局長何志平醫生幫手推動吓，咁政府嘅政策至容易推行。
（圖）勞醫生（右）找來傳媒朋友，喺辦事處示範網上論壇直播。
傳真︰2623-9278
電郵︰