數碼相潮流真是無可抵抗，hp及Canon在同日公布，各自推出一部Photo級打印機；hp就勁Sell藍芽的流動打印優勢，Canon就大玩型仔Look同實用兼備；如果最近想買機自Print靚靚數碼相，今後又多兩個選擇．
記者、攝影：朱崇德
hpDeskjet450cbi係一部專為四出工作人士而設計的流動式打印機，由於機體加入了對應藍芽模組功能，所以可以在半徑32呎的範圍內，直接接收配備有藍芽組件Notebook、PDA、手提電話、數碼相機的打印指令，相對以往舊式流動打印機所使用的ParallelPort、USB及紅外線連接埠，在解除接線的煩惱之餘，亦能保持數據的高傳輸率。打印機的解像度達中階1,200×1,200dpi，列印速度可達每分鐘9頁黑白，及每分鐘8頁彩色文件；為針對現在用家對列印數碼相片的需要，450cbi特別加入了4800-optimiseddpi技術，可以在優質的相紙上打印出4,800×1,200的彩色相片效果。
記者意見： 450cbi打印速度及相片效果，表現尚算滿意；快叉式鋰電池在每次充電後，可打印350張黑白文件，亦切合流動用家在戶外工作需要；對一般用家來說，機價$2,988會稍貴，所以此機較適合有專業需要的流動一族人士。
近排城中廣告成日叫人猜嘅XNU，終於公布係乜嘢啦！原來佢係Canon最新嘅XNUi320。今次勁Sell賣相，獨特的長方機身，醒目嘅藍白雙色設計，實用得嚟又有美觀作用。
XNUi320屬4色相片級打印機，解像度達2,400×1,200dpi，打印速度則達每分鐘10張黑白及7張彩色；機身配備有Canon開發的VividPhoto打印技術，所以可以列印出比一般RGB電腦顯示屏「色域」更廣的sRGB顏色，如果用嚟印製數碼相片，顏色當然更豐富，影像亦更富真實感。
記者意見： 以$988買到部2,400dpi級數，兼賣相型仔嘅打印機，真係令人幾心動，加上原廠黑白（$39）及彩色($77)墨匣價錢夠平，亦是大家買機的考慮因素。
hp查詢電話：25997066
Canon查詢電話：23012468