三十歲單親少婦阿美，帶着五歲兒子過着飄泊生活，居無定所，近日因為分租同住的友人遷出，阿美無法獨力負擔全份租金，需要另遷他處，並以綜援金預付各項雜費，以致生活陷困，就連兒子的學費亦無法繳交。
「呢幾日我哋午餐都係食麵包，晚餐就食罐頭同即食麵。其實我唔到最後一步都唔想搵人幫，不過我身上真係剩番啲毫子，阿仔今個月學費都未交，好彩學校肯通融。」阿美憂心地說。
阿美的身世頗為坎坷，自小父母仳離，其童年時期就像「皮球」一樣被人拋來拋去，父母對她愛理不理，她由外婆和嫲嫲輪流照顧，直至長大成人。阿美於九六年認識一名男子，其後兩人共賦同居，並無正式註冊。不久阿美懷有身孕，惟男友卻在此時另結新歡，阿美頓覺晴天霹靂。
「當時我堅持點辛苦都要生呢個BB出嚟，於是我走去申請綜援，然後搵個地方安胎，最記得到要生嗰日，大廈又冇電梯，我惟有慢慢行九層樓梯落去地下截的士去醫院。」阿美憶述數年前一段辛酸經歷，不禁淒然下淚。她說：「不過呢條路係我自己揀嘅，冇辦法啦。」
晃眼間，兒子阿男今年已經五歲，就讀幼稚園高班，學業成績優異，生性乖巧，令阿美感到無限安慰。只是，生來就沒有爸爸的阿男，有時會有酸溜溜的感覺。
「有時佢見到其他小朋友有爸爸嚟接放學，都會問我點解佢冇爸爸，不過佢見我唔答，亦都知咩事，甚至識𠱁番我，話有媽咪都係一樣啫。」阿美說。
罹患甲狀腺病以致雙眼微微凸起的阿美表示，原本母子二人與一對姊妹分租一個唐樓單位，月租約四千元，雙方各自負擔一半。
上月該對姊妹決定遷出，阿美難以獨力負擔整份租金，惟有另覓新居，然而根據現行條例，單親家庭不獲社會福利署發放搬遷津貼，阿美在無計可施下，惟有動用本月綜援金支付新居的水電按金及僱人搬屋等等費用，弄得母子生活陷困。
蘋果日報慈善基金有見阿美的困境，即時撥款三千元，助她度過難關。另外，阿美盼獲贈一部雪櫃存放餸菜。「早幾日阿仔試過食咗啲隔夜餸肚痛，請咗幾日病假冇返學，都係怪自己太大意。」阿美說。
捐款編號：C0694
暖流熱線
電話：29908688
傳真：23702192
電郵：
網址：