「佢搞到自己愈嚟愈勞氣」
何俊仁：我無能為力

【本報訊】「（對霍紹漳庭上暴斃）有啲遺憾，就算佢告我，我唔想見到咁，但我無能為力。」案件被告人之一何俊仁，昨日聽聞上訴人霍紹漳在庭上就遺囑案陳詞期間死亡，表示遺憾。

爭產案被扯落水
他語帶惋惜說，霍紹漳屬於行外人，應該由律師代表出庭，不必要親身上陣，「佢喺庭上好多嘢唔容易明白，佢又唔肯接受人講嘢，搞到自己愈嚟愈勞氣，心臟病突發。如果佢有律師做代表，慢慢解釋佢聽，就唔會發生今次不幸事件。」
何俊仁解釋說，他與霍紹漳的糾紛可追溯約二十五年前，其父霍藻棉七五年逝世，立下遺囑指明由四弟霍藻滿為遺囑執行人，「我當年係佢四弟嘅代表律師，並由法庭確認將遺囑繙譯成英文，七九年法庭根據遺囑將財產分配給霍紹漳四兄妹。」
何俊仁續指，霍紹漳當年同意英譯本，八三年不滿財產分配比例，花了數百萬元從英國聘請御用大律師入稟法院，「佢都認同英譯本，只不過唔同意分配比例，最後法官亦裁定遺囑無效，家屬自行分配遺產。」
何俊仁有點勞氣說，事件性質是霍紹漳四兄妹爭產，卻將他捲入漩渦，二○○○年霍紹漳突然入稟法院指他繙譯遺囑出錯，「法庭判他敗訴，判詞除指他超越可追溯的六年期限，亦指出他當年同意英譯本。今次他再上訴就出事。」