南韓剛剛主辦完世界盃，三個月唔夠，佢哋又有另一項國際性賽事舉行。冇錯，之唔係星期日揭幕、香港有機會爭取獎牌嘅釜山亞運。
相比起世界盃，今次釜山亞運受注目程度簡直係蚊髀與牛髀。不過，對昨日才初來甫到嘅小記，睇見呢個南韓第二大城市喺今次亞運既籌劃同準備，都覺呢班高麗人嘅辦事能力值得一讚。
好似由機場去新聞中心時，由於正值當地放工時間，市內交通非常擠塞，不過因為大會安排交通警沿途開路，令小記最後能夠準時趕去新聞中心交稿。
除此之外，昨晚適逢伊朗團隊抵達釜山，而一班由婦女組成嘅啦啦隊，特別化裝成伊朗人打扮，喺機場拉橫額叫口號，令一班伊朗運動員抵埗後有賓至如歸感覺。相信未來中國九百人大軍、以及香港運動員分別喺二十七及二十八日抵埗，都可以感受到呢啲別開生面嘅歡迎儀式。
本報採訪小組釜山直擊