打鼓夾Band助興唔掂
胡寶星媳婦扁晒嘴

李兆基姪女李慧敏開設的時裝店Baboon，其位於銅鑼灣的旗艦店前晚開幕，請來胡寶星媳婦、吳婉芳妯娌胡嚴施慧即場打鼓夾band，可惜中途出現技術問題，令事前苦練三星期的胡嚴施慧扁晒嘴，十分失望。

恒基主席李兆基姪女李慧敏（Grace）前年投資開設時裝店Baboon，兩年內連開三間，今個月更進駐內地，成績斐然。昨日其位於銅鑼灣京士頓街的二千呎旗艦店開幕，李慧敏請來瑪利諾同班同學、胡寶星媳婦胡嚴施慧首次夾band演出助興。

已特訓三星期
胡嚴施慧穿上黑色魚網絲襪出任鼓手，其胞姊嚴依慧則負責低音結他，胡嚴施慧表演前心情甚佳，更自爆心目中最欣賞的band友，已由Beyond及謝霆鋒變為恭碩良，她說：「我哋隊band夾咗兩年喇，隊名叫做『ABMESY』，由七個人組成，之前都參加過比賽，得到最佳表現獎，不過未去到可以同人jam歌嘅地步。今次為咗表演，都特訓過㗎，早三個星期開始，每個星期練四次，呢兩首歌夾咗十幾次，應該OK！」
然而胡嚴施慧打鼓時全程扁嘴，更不時搖頭，演奏兩曲約七分鐘後，她沮喪地說：「今次真係麻麻，一開始我就發覺個Hi-hat（鼓的支撐部份）鬆咗，中途又冇break可以校番；到表演第二首歌，個keyboard又冇咗聲，好失望，之前苦練咗咁耐，好唔抵。」老闆娘李慧敏亦相當識做，即時拉隊請食飯慰勞好友。

袁彩雲賣首飾
另外，Baboon新店引進袁彩雲親手設計的「KunstW」首飾系列，她說：「啲首飾全部係我親自設計同做辦，屋企都變咗半個工場，𠵱家每個月有幾千元進帳，希望遲啲可以進軍日本、英國同德國啦！」
而袁彩雲不少老友如王賢誌、林其欣及邱凱敏都有到場為她打氣。