八方收到《南華早報》回購文件，發現上個月開始做《南華早報》督印人嘅白泰德，原來月薪有二十萬零九千元，年薪二百五十萬，兼且有花紅分，喺𠵱家呢個淡市嚟講，都幾和味。
白泰德九七年加入嘉里集團，幫郭鶴年打工。佢係香格里拉同埋嘉里建設嘅董事，九九年又做埋《南華早報》副主席兼執行董事，月薪七萬二，今次大幅加人工。
其實，白泰德來頭不小，佢入嘉里之前，係JPMorgan高層，做咗好耐。因為有咁強嘅背景，白泰德𠵱家係證監會諮詢委員會嘅委員，亦係港交所主板上市委員會嘅主席。
傳真︰2623-9278
電郵︰