飛魚王子方力申明天起程到韓國出戰亞運會，他日前就決定斥資四十多萬買下一架平治CLK跑車激勵自己。而浪琴表亦特別由瑞士訂做一隻印有亞運標誌的手表送給他，為方力申打氣。
方力申明天起程到韓國釜山，以香港游泳代表隊成員身份出戰第十四屆亞運會，他在臨赴比賽前買了一架平治跑車送給自己，而浪琴表亦特別為方力申在瑞士訂做了一隻印有亞運標誌的Flagship手表，以作鼓勵，此表的普通系列（沒有亞運標誌）價值是一萬二千三百元。
早前李彩樺踢爆方力申買了新車，但後來方力申否認其事，不過據本報收到的消息，原來方力申日前已決定斥資四十多萬，買下一架平治CLK230轎跑車，讓自己能安心遠赴韓國作賽。
方力申昨日接受電話訪問時說：「其實我呢排忙練水，買車嘅嘢交晒畀爸爸搞，我係想買部自己揸得、老竇又揸得嘅車，可以一齊揸嘛，Benz係我首選，我鍾意佢夠襟，我一定會喺去亞運前買咗先。」
至於浪琴表特別為方力申訂做亞運手表，會否對他造成很大壓力？方力申說：「好多謝佢哋咁有心送隻靚表畀我，不過我唔會特別畀壓力自己，只會努力啲，希望游到好成績，可以接近番我自己嘅紀錄已經好好，我係運動員又係藝人，可能會有好多人留意我嘅表現，不過就算唔係咁，我都會盡力嘅。」
方力申早前演出舞台劇時，仍保持每星期練水五天，現時舞台劇已完畢，便可專心練習，方力申說：「嗰陣好辛苦，朝早練水，之後又要排劇，本來我都怕負荷唔到，但錦標賽游到好成績，信心大番好多。」
採訪：陳月媚、蔡如玉