早前減肥成功拍纖體廣告的廖碧兒，前晚出席新戲《我老婆唔夠秤》首映，但見她一身黑衣黑褲，亦難掩圓潤身材，麒麟臂與肥嘟嘟臉蛋盡現，明顯美好身材維持不久便打回原形，看來廖碧兒要再積極減肥了！
鄭伊健、Twins成員蔡卓妍、廖碧兒和車婉婉前晚到灣仔會展出席新戲《我老婆唔夠秤》首映，Twins另一成員鍾欣桐亦有捧場。
廖碧兒前晚盛裝亮相，一身黑背心配襯黑褲，但仍掩不住其豐滿身形。其實廖碧兒今年五月以一百萬酬勞，擔任陳妙瑛投資的瘦身產品代言人後，今月初曾透露成功減掉十六磅。身材亦由35C、26.5、36，變成35C、24、34的魔鬼身段，手臂亦只有十吋，令不少女士豔羨。
不過就前晚所見，廖碧兒的手臂已回復麒麟臂，臉龐圓潤，而其腰肢亦粗了不少，似乎已打回原形。其實早前廖碧兒曾被刊登一幀《我老婆唔夠秤》的露背沖涼相，相中的她虎背熊腰，亦因此惹來陳妙瑛不滿，惟恐被拆招牌。現時廖碧兒身材打回原形，看來又要再積極減肥了。
陳妙瑛昨日在電話中回應說：「我噚日下晝先至見過廖碧兒，重同佢影相，我今日見到佢都好弗喎，佢真係瘦咗好多，由以前一百二十幾磅減到𠵱家一百零幾磅，手臂都比以前瘦好多，不過佢有番咁上下骨架，減咗肉但骨架重喺度，而且我諗你哋影嘅相係角度問題啫。」
而廖碧兒前晚接受訪問時說：「今次係我第一次有戲做首映，幾緊張㗎。我爸爸都有嚟捧場，我套衫係自己襯嘅，不過都有個朋友義務幫我做形象指導。」
問廖碧兒會否再拍性感照片或性感戲？廖碧兒對此說：「呢啲嘢等經理人公司安排啦，最緊要出到嚟嘅效果靚，性感少少都唔緊要。」
採訪：魯萍、朱芷瑩
攝影：何國豪