港府宣布「二十三條」立法以來，滿城風雨，以前係公務員之首嘅政務司前司長陳方安生，雖然離開官場，但咁大件事，八方都想知佢有乜睇法。陳太噚日着住件粉紅色格仔外套，出席聯合國兒童基金會青年領袖計劃開幕禮，只見佢精神飽滿，仍然係四萬咁口！一眾記者在場左等右等，終於等到典禮完畢，一齊湧埋陳太身邊，諗住問佢點睇「二十三條」立法。
點知原來陳太早有準備，好主動咁企定定，講完聯合國兒童基金呢個青年領袖計劃好好，好有意義，可以幫到年輕人發揮潛能之後；一聽到「二十三條」，就立刻走，只係笑笑口話：「我唔會講……我同你哋講咗嘞，OK？」
（圖）陳太依然咁鍾意笑，但提起二十三條，佢就守口如瓶。
傳真︰2623-9278
電郵︰