鄭伊健與蔡卓妍（阿Sa）前晚自爆合作拍《我老婆唔夠秤》時經常鬥嘴，阿Sa還踢爆伊健的死穴是女友梁詠琪（GiGi），每當她提到GiGi，伊健就馬上收口。不過原來阿Sa的死穴，就是其傳聞中的暗戀對象余文樂。
阿Sa說：「伊健外表三十歲，其實內裏得二十歲，佢鬥親嘴都要攞尾彩，不過我都有絕招，一講GiGi佢就收口，有時佢都會窒番我，佢會話：『唔講呀，我唔夠余文樂後生呀。』咁我就話佢好煩，費事同佢講囉。」
問阿Sa與伊健會否過電，她說：「話有又唔得，話冇，好似話佢冇吸引力，少少啦。」問伊健死穴是否其女友？他說：「唔係，玩吓啫，我都想佢收口嘛。」阿Sa又表示自己很難與GiGi比較，伊健說：「叫佢跳繩啦，佢夠瘦，唔夠高，不過佢𠵱家重發緊育。」
另外，余文樂昨日在港台接受訪問時一臉病容，原來他感冒菌入眼。
採訪：魯萍、卓美娟