因為一條港珠澳大橋，令合和主席胡應湘與長實主席李嘉誠面阻阻；最新出版的合和年報公布，李家大公子李澤鉅將卸任合和董事一職，唔再連任，兩個家族多年的情誼可能畫上句號。
噚日胡應湘出席英商會午餐會時，唔想再提超人，但佢強調依然好尊敬佢，同佢做生意好好，唔會耍花招，而且重捐錢搞社會福利。今次因橋失和，哥頓話冇再同李超人傾偈。
哥頓又同八方講，唔好做每件事都為自己利益，例如佢十幾年前開始一直捐錢畀母校美國普林斯頓大學，被人批評不照顧本地大學。
佢話其實有苦衷，因為好多美國國會議員係校友，要游說中國最惠國待遇問題，以校友身份打交道事半功倍。佢話自己唔係搞貿易，傾掂咗對佢好處不大，但對中國同香港都係好事，正如今次建橋一樣。
傳真︰2623-9278
電郵︰