中文大學同人擺生日酒？係咪真㗎？重喺今個禮拜六搞足成日㖭！呢個係為今年八十大壽嘅著名諾貝爾物理學獎得主楊振寧教授而搞嘅八秩榮慶，表揚呢位傑出華人喺科學上嘅貢獻。楊教授喺當日會先出席一個「楊振寧教授八秩榮慶學術研討會」，除咗會憶述自己喺科研上嘅心路歷程之外，重會放映一套自行製作嘅五分鐘短片，介紹幾位佢認識嘅國際著名物理學家，數以百計大專同中學生可以喺呢個研討會同楊教授對話。
當日下晝，楊教授又會為「楊振寧學術資料館」主持開幕典禮，再喺同場加插新書《人情物理楊振寧》出版儀式。
《人情物理楊振寧》一書乃講述楊教授嘅生平，包括孩提生活同科研之路。咁當晚有乜節目呢？當然係大壽晚宴啦！
傳真︰2623-9278
電郵︰