英皇三小花之一蔣雅文（Mandy）原來好鍾意影相，所以Mandy隨身都會帶住一部數碼相機。近日Mandy嘅手袋裏面就有一部Canon數碼相機。 愛拍小女孩 Mandy話：「呢部機係我自己買，我貪佢夠細部，可以放喺牛仔褲袋裏面，而且部機功能多多。其實我本身冇學過影相，但影咗啲相，就試過放喺我哋3T隻唱片裏面，我平時喺條街見到乜嘢都會影，最多就係影細路女，但我就一定唔會影自己嘞。」