由雅虎網站（Yahoo!）舉辦的「好想多謝嘅公眾人物」投票選舉昨日公布結果，今年人氣急升的楊千嬅獲十七萬票名列榜首，比第二名的劉德華多十一萬票，曾奪得「青少年最崇拜偶像」第一名的陳慧琳則排第三。
雅虎網站（Yahoo!）在今年八月底開始，展開「好想多謝嘅香港人」網上投票活動，讓網友表揚一些一直在身邊支持鼓勵及啟發自己的人物，為期一個月。在逾四十萬的選票當中，楊千嬅以十七萬多的高票數成為「好想多謝嘅公眾人物」組別首位，而曾是「青少年最崇拜偶像」的陳慧琳（Kelly），今次則獲得四萬零五百七十六票，屈居第三，第二位的是得六萬零一十票的劉德華。除了藝人外，陳方安生、董建華及李麗珊亦入選十大。（詳細名單請參閱附表）
楊千嬅昨日接受電話訪問，對於網友為何想感謝她，千嬅說：「其實我一直都努力做好一個歌手同演員嘅本份，或者佢哋覺得我真係帶到娛樂畀佢哋啩，反而我好想多謝投我票嘅人，多謝佢哋欣賞同埋認同我，總之就多謝晒啦。」
Kelly屈居千嬅之後，不過她毫不介意，Kelly昨日說：「唔緊要啦，有人多謝我咪好囉，一二三四位都冇所謂。」問Kelly會否覺得被千嬅威脅？她說：「多謝千嬅，多謝全部人啦。」
而鍾鎮濤（阿B）昨日亦到銅鑼灣出席雅虎香港Yahoo!Shopping兩周年記者會，並負責頒獎予「好想多謝嘅親友」得獎者，阿B得到雅虎所送的一部數碼相機作紀念品，他更在網上選購了一部電子象棋送給愛兒鍾嘉浚，阿B說：「我個仔好鍾意玩象棋，喺學校都加入象棋學會，佢學校重有麻將club，不過佢冇入。其實打麻將可以練腦力同數學，唔一定要賭，唔係學校都唔會有啦！」
至於最想多謝的人，阿B選了其女友范姜，他說：「人蠢好啲，佢咁蠢先會揀我，佢細我成廿年，又多人追，我又多麻煩嘢，佢都唔走，重要成日受埋啲閒人嘅氣，所以多謝佢囉。」記者欲問阿B所指閒人是否其前妻章小蕙，但章的名字未說出口，阿B已說：「唔止嘅，唔好搞嘢啦。」
採訪：魯萍、馮美茵
攝影：魯萍