劉慧卿上周因為要求研究聯滙做咗一陣子報紙新聞主角，如今又被《基本法》二十三條蓋過了。佢周一重約咗同詩姐姐傾「二十三條」，但係見完之後就冇咗影，冇出嚟見記者。
八方問卿姐，究竟去咗邊？原來卿姐好幾個月前已答應詩姐姐去同四十幾位檢察官開講座，題目係香港現在與將來面對嘅挑戰，咁大嘅題目，唔怪得卿姐冇法甩身啦！
卿姐話，見詩姐同講座喺一間房進行，時間剛好係前綫同詩姐見面之後，所以真係冇法抽身見記者。
至於老董點解選呢個時間為「二十三條」立法，八方估首先係梁愛詩視「二十三條」係佢答應留低嘅首要任務，愈快完成愈好。至於葉劉淑儀如果搞掂「二十三條」，肯定有分加，有機會更上一層樓。
傳真︰2623-9278
電郵︰