由曾志偉主持的無綫遊戲節目《吾係獎門人》，上周六中秋節的一集收視創新低點，只有十四點，約有九十二萬觀眾收看。前晚錄影的一集，趙學而和伍詠薇玩遊戲時頻做俯身動作，實行「賣肉」救收視。不過當志偉談及霆鋒，學而就絕口不提。
趙學而、伍詠薇、鄭敬基、黃佩霞和謝天華等，前晚在無綫電視城錄影由曾志偉主持的遊戲節目《吾係獎門人》。《獎門人》節目上周收視暴跌，只有十四點收視，約有九十二萬觀眾收看，創下《獎門人》收視新低。未知是否這個原因，所以前晚參加的女嘉賓趙學而和伍詠薇玩遊戲時，不時俯身做動作，大騷天賦本錢，實行「賣肉」為《獎門人》節目增加收視。
趙學而先以滾地葫蘆的形式碌出場，她事後還問：「我有冇走光？」志偉嘲笑學而：「唔係有冇走光，係冇光走。」
志偉忽然問學而：「關唔關心佢（指謝霆鋒上庭）嘅事？」學而就作狀做「拉鏈嘴」動作，她說：「人哋嘅嘢，唔好亂講。你媽媽冇教你咩？」當志偉向趙學而多謝時，他說：「多謝謝學而。」她反駁：「唓，我未嫁㗎。」學而跟謝天華玩做動作估謎底遊戲時，亦是拿謝霆鋒做題目。學而說：「最近上庭嘅歌手。」謝天華最後都猜中。
趙學而在其中一環節中輸了，要被罰射水槍。曾志偉說：「可能衰開有條路，乜你濕水靚咁多，我明白霆鋒嗰時點解鍾意你。」
學而對於成為被玩對象，她說：「冇所謂，自己唔係唔玩得，有啲嘢應講，有啲嘢唔應該講。佢（曾志偉）已玩得好留情，我上得呢個節目都預咗。」
此外，志偉對於節目收視大跌，則說：「因為中秋節觀眾出晒去玩，收視同嘉賓強弱冇關。」
採訪：卓寶花
攝影：黃文成