「𠵱家先生做呢份地盤散工，真係好冇安全感，今日做完唔知聽日有冇工返，不過社署批咗低收入綜援畀我哋，生活已經好過以前好多，最重要係啲銀行欠債已經還晒，唔使再擔心有人會上嚟追數。」吳太如釋重負地說，臉上露出月來難得一見的笑容。
三十九歲的吳先生，月前因為失業以致債台高築，與二十九歲妻子及一對分別六歲及九歲子女生活幾陷絕境，子女在學校只以白飯充當午餐，校長有見小姊弟境況堪憐，遂代他們向本報求助，事件引起社會廣大的讀者迴響，善長仁翁紛紛伸出援手。
「仔女𠵱家都開心過以前好多，每日午餐都係學校代訂，唔使再捱白飯，以前最困難嗰時就連佢哋想食啫喱都冇辨法去買。」吳太欷歔地說。
吳家繼早前收到蘋果基金第一批善長捐款四萬五千五百七十六元後，近日續收到第二批捐款合共十二萬五千六百八十五元。吳太坦言難以用言語表達她對善長的感激。
「我會好珍惜每一分每一毫嘅捐款，唔會亂咁花費，因為我知呢啲錢係善長好辛苦賺番嚟嘅，同埋我都好多謝蘋果日報，喺我哋以為冇路可行嘅時候幫助我哋度過呢個難關。」吳太說。
捐款編號：C0530
暖流熱線
電話：29908688
傳真：23702192
電郵：
網址：