八方噚日四點幾約咗朋友喺君悅酒店飲茶，見到現場非常熱鬧，重見到有熱氣球升空儀式，主事人係八方老友之一、投資推廣署署長盧維思，原來係美國財經雜誌《福布斯》（Forbes）個全球行政總裁會議開幕活動。
盧維思同八方講，呢個論壇有超過二百五十位來自全球各地的企業領導人出席研討會，以「如何在急劇轉變和日益複雜的經濟氣候中，重新評估傳統的商業模式」為題，分享見解，演講者包括諾貝爾經濟學獎得主斯蒂格利茨、美國前國務卿韋恩伯格、財政司司長梁錦松、機管局主席馮國經等。未來三天，灣仔會展一帶肯定相當熱鬧。
（圖）盧維思及《福布斯》老闆史提夫福布斯一齊飛，為今次活動揭開序幕。
傳真︰2623-9278
電郵︰