功夫L三更半夜來電，語調興奮：「12月有大茶飯，日本潮流名牌Medicom推出1,000%大鳩氏Be@rbrick，你有冇入飛優先認購先？」驟耳聽重以為佢講入飛炒新股上巿。
早前Medicom推出細鳩氏Be@rbrick，在香港大受歡迎，有細路誇張到肯用隻agnesb米高扭蛋換細鳩氏Be@rbrick，今次12月推出兩呎高版本，當然觸及香港班黐線細路嘅神經線，不斷四出張羅，點知呢隻大鳩氏原來唔會公開喺舖頭賣，只作日本網上訂購，除咗只會寄往日本人地址外，重規定每個郵寄地址只能訂購一隻，大大增加購買難度，一般香港細路點會買到？所以又益咗功夫L發聖誕新年財。
功夫L：「聽袁人祥講，因為呢隻嘢，𠵱家連㗎仔都玩賣地址，學香港家長為個仔報讀名校而買地址，五千Yen一個，真係唔知真定假？不過隻嘢一出，肯定坐底照炒一倍（約千六蚊港紙），如果有辦法訂十零隻返嚟，好過打工仔出雙糧。
聽講Medicom為制止炒風先度出呢條毒橋，點知反而助長炒風。其實明眼人一睇就知呢啲就係造勢。
主持人：大食Jack
八卦熱報：