呢款特製醬汁以黑豆、焦糖等材料製造而成，汁濃味帶香，營養高，含蛋白質、碳水化合物、鈉等，醬汁用途廣泛，除可作為煮、炒餸菜調味醬汁之外，亦可以拌以米粉或麵、拌菜或飯食用，有齊咁多用途之醬汁，雖然稍貴，但實在係方便之選。
我肥師奶平時一個人懶得煮飯，最鍾意食杯麫醫肚，貪佢方便又快捷，食完唔使洗碗，乾手淨腳。估唔到家陣啲杯麵愈出愈正，杯麫內竟有原隻滷水蛋，見到咁新奇，我當然即時買返去試。經我搜羅，暫時搵到嘅係出前一丁豬骨湯麵及統一金牌牛肉麵內附有滷水蛋，除此之外，麵餅及配料份量相對亦較多。奶白色嘅豬骨湯麵，清甜而香濃，鍾意清清哋口味，食佢最好。牛肉麵則較為惹味，因為加了辣油、香料等成份，食落微微帶辣。兩者同樣加多了隻滷水蛋，增加口感之餘，重更加飽肚。