影星林青霞嘅老公、邢李㷧係思捷（Esprit）大老闆。佢間公司近期當旺，剛公布完靚靚業績後，噚日又被著名財經雜誌《經濟學人》旗下機構EIU，選為今年全球企業成就獎（GlobalCorporateAchievementAwards2002）最後入選的三十強之一。
八方睇呢三十強名單，其中十間是美國企業，包括強生、星巴克及Wal-Mart，日本企業則有五間，包括佳能、NTTDoCoMo及本田，香港則只有思捷入榜，餘下則係來自法國、德國、印度及意大利等地企業。據主辦單位講，呢三十間企業喺一千六百五十間提名公司內揀出嚟，主要睇呢啲企業去年嘅業務表現，稍後將選出最後勝出者。
不過，思捷能喺全港逾七百間上市公司內成為唯一上榜的香港公司，都唔好話唔威，相信邢老闆都飲得杯落。
（圖）邢老闆（右）同老婆林青霞（中）應該好開心。資料圖片
傳真︰2623-9278
電郵︰