呢輪香港車市激發起一陣減價風潮，真係好熱鬧，連帶三菱部新款CityRV嘅Airtrek2.04WD亦加入戰團，由原來17萬9千8嘅價錢，減到去14萬9千8，真係你都咪話唔吸引；由於只限2002年製造嘅現貨，據知𠵱家所剩無幾㖭。
若然你唔係RV嘅Fans，相信你亦會對三菱部GalantVR-4有深刻印象。咪話亞Mark唔預早通知大家，嚟緊三菱代理會有部全新GalantVRSuperSport型號，裝有一台輸出145匹嘅2.0公升GDI偈，配上4前速半自動波箱外，佢最吸引嘅地方會係有齊VR-4嘅前後大包圍，兩邊車身裙腳，尾定翼同16吋跑車合金胎軨；唔止咁呀！佢重有埋原廠霧燈、全車真皮座椅、液晶表板同電天窗組合，重有鈦金屬面板中控台裝飾等等，咁有型又見有跑味嘅房跑車，都不過賣16萬9千8。