香港嘅電訊管理局局長王錫基近期頻頻上鏡，為八號風球電訊網絡擠塞解畫，可能好多人以為該局做得唔係咁好，查實我哋嘅局長都好威水。最近佢又獲選為國際電信聯盟2002年全權代表大會轄下嘅政策、改革及法律事宜委員會主席，係佢兩年內第三度於國際高層電訊會議上獲選為主席，可見香港電訊局嘅成就獲得國際電訊界高度評價。據悉，王錫基係中國代表團兩位副團長之一，團長係中國信息產業部部長吳基傳。
「全權代表大會」係國際電聯最高決策機關，每四年開會一次，負責制訂國際電聯一般政策、通過五年策略及財政計劃，同埋推選國際電聯高層管理成員。
國際電聯於1865年成立，係聯合國轄下機構，專責發展電訊業的政策、無線電規管及全球標準，現有一百八十九個成員國。
傳真︰2623-9278
電郵︰