八方以為粉紅淨係代表浪漫同溫柔，原來呢種顏色重可以表示關心，香港癌症基金會就利用粉紅色喚起全港市民對乳癌嘅關注。佢哋會喺十月十八日發起「粉紅服飾日」，可能會搵陳方安生等名人幫手，發動全港男男女女，當日齊齊穿着粉紅色嘅衣服或者飾物，實行將香港變成浪漫愛心都市。
癌症基金會提議女士們當日可以着粉紅長襪、絲巾、T恤，甚至連個頭都染埋粉紅；男士就可以打粉紅領帶、着粉紅恤衫，如果嫌「娘」嘅話，不妨貼個關注癌症嘅粉紅革命貼紙喺胸口。有興趣響應嘅人士，可以上網
香港嘅女人，每二十四個就有一個有機會患上乳癌，癌症基金會每年為一千八百個乳癌病人提供醫療服務，病人由患病初期到康復，基金會都會從旁協助佢哋度過難關。基金會上次請前任政務司司長陳方安生宣傳「最殺死人嘅係廿四，唔係卅六」，呢次唔知會唔會再搵佢幫手宣傳，陳太夠晒叫座力嘛！據講，佢哋已經請咗因為乳癌而需要切除左邊乳房嘅立法會主席范徐麗泰，喺下個月十日出席癌症基金會嘅推廣活動，分享自己勇退癌魔嘅經歷。
傳真︰2623-9278
電郵︰