謝霆鋒昨日再就涉嫌串謀妨礙司法公正案出庭，其契媽汪明荃、成龍和可口可樂高層都成為霆鋒的品格證人，而曾與霆鋒合作《特警新人類》的名攝影師黃岳泰，昨日更出庭替霆鋒作證。
拉姑昨日休庭時親向黃岳泰說：「多謝晒，泰哥，你飲唔飲嘢？」然後向身後的人說：「快啲攞嘢畀泰哥飲啦！」而霆鋒的代表律師清洪，亦與黃岳泰握手並說：「唔該。」
至於阿姐、成龍和可口可樂高層則分別以書面證明霆鋒的品格，可口可樂高層許敦禮指霆鋒作為產品代言人，表現比其他藝人出色。
阿姐就表示雖然外界覺得霆鋒為人傲慢，但他其實有很多優點，對家人十分孝順，經常陪伴嫲嫲。阿姐昨日在電視城開工時說：「我由細睇到霆鋒大，梗係希望大家畀個機會佢啦！最近我冇同拉姑、四哥聯絡，希望佢哋冇事啦，我都唔係好擔心。」
至於成龍則謂霆鋒是一個敢言及正直的人，如果霆鋒有事，對娛樂圈和香港會是一個重大損失。