婚宴搶晒風頭新娘黑面
黎姿重射愛美神飛彈

黎姿前晚以性感打扮參加表哥的婚宴，穿上低胸裙子的她，酥胸半露，重顯「愛美神」本色，搶盡新娘子的鏡。黎姿表示現在身邊沒有男友，但她希望五年內可以結婚。

現年三十歲的黎姿前晚到灣仔君悅酒店出席表哥方恆（Paul）和太太羅幸琳（Linda）的婚禮，以低胸裙亮相的她，盡顯驕人身段，大搶同場新娘子的風頭。據悉新郎阿Paul是醫生，而新娘Linda則在律師樓工作。
黎姿前晚與母親盛裝赴會，她穿上VivienneWestwood的白色低胸裙，再戴上鑽石戒指、頸鏈和手鏈，非常貴氣。

拒做司儀
據知新娘子的爸爸是醫生，她的爺爺羅明祐和黎姿的爺爺、有電影之父之稱的黎民偉是世交，兩人曾合作拍攝第一部電影。
問黎姿送了甚麼禮物給一對新人？她說：「我本來想送水晶，但又唔知揀乜好，所以我最後送咗禮券，等佢哋自己去揀到啱。佢哋原先想請我做婚宴嘅司儀，但我擔心會講錯嘢做得唔好，所以我最後決定嚟湊熱鬧。」

不愛洋漢
黎姿參加表哥的婚宴，可有恨嫁的心情？她說：「我都希望，但𠵱家我都冇拖拍。我對男友嘅要求係人品好同錫我啲屋企人，男友都唔可以係西人。我係好信緣份，我想五年內可以結婚。」
黎姿自稱剛過去的中秋節沒有人約她，黎姿說：「平凡女人可能重多人追。」
採訪：陳梅香
攝影：陳烱威