董特首中秋節帶住兩個孫女去維園賞燈，奇怪就係唔見咗董太；八方老友噚晚去一個婦女團體賀國慶嘅酒會，好奇之下問董太中秋去咗邊，誰不知佢突然好嬌嗲咁抱怨話：「係囉！佢又唔帶我去！」
吓！阿董咁大膽？原來中秋當晚，董太自己先去咗駐港部隊一個慶中秋活動，返到屋企都好夜，阿董又心急等唔切，決定自己同孫女去玩先，之後再搵埋董太、兩個仔、兩個新抱同四個孫，一家人出去食飯，咁阿董個女呢？同三胞胎去咗美國，所以未能一家大細一齊團圓食飯。
董太又大爆阿董好鍾意食月餅，不過只係鍾意拮個蛋黃出嚟食。咁好唔健康喎！董太都好緊張話唔畀佢咁樣食，一來太浪費，二來膽固醇太高嘞！
﹙圖﹚董太（右）話阿董食月餅，淨係食蛋黃唔食蓮蓉。張家俊攝
傳真︰2623-9278
電郵︰