法國巴黎車展將於月底舉行，而標緻車廠亦於較早前公布將會展出嘅車款，早前我哋亦揀選其中三部為大家作介紹，其實重有一部名為Sesame嘅概念車，亦都好吸引㗎。
Sesame車長只有3700mm，闊度亦只有1670mm，但軸距就有成2310mm，除可造出闊落嘅車廂空間外，左右雙趟門設計亦方便乘客進出車廂；另一方面，車內四張獨立座椅不但乘坐妥貼舒適外，闊大車窗亦可給予乘客有更佳視野範圍。廠方則預算為其裝上一台1.6公升引擎，馬力輸出約110匹，配以一套手動波箱，從而令新車有更出色嘅性能表現。當然黃色車身配搭，以及四輪17吋合金胎軨組合，亦能為其增添不少吸引力啦！