梁詠琪（GiGi）日前獲瑞士政府旅遊局邀任瑞士旅遊代言人，為了推廣瑞士的風光，GiGi特別到瑞士拍攝國語新歌MV和新碟封面照，從而將瑞士的美麗風光推廣至全亞洲，而她們一行二十人的攝製隊所花的費用，全部由瑞士政府贊助。
現時仍身在瑞士的GiGi會在當地逗留一個星期，旅遊局的人員會帶她到阿爾卑斯山上的少女峯、圖恩湖、聖彼德大教堂、沙稻城堡等地取景。GiGi大讚當地景色怡人，她在長途電話中表示：「瑞士啲風景真係好靚，空氣又新鮮，每個人都有足夠嘅空間去享受大自然。呢啲感覺喺香港係感受唔到嘅，我成個人都覺得精神咗好多。我坐纜車到海拔三千公尺嘅鐵力士山，喺山上感覺好興奮，覺得自己似快樂嘅仙女。」