張曼玉（Maggie）昨日以玉寶錶代言人身份到金鐘港麗酒店出席新表發布會，Maggie被問到與梁朝偉的戀聞時，鮮有地作出回應，並說：「遲啲你哋就會知道真相。」
張曼玉一直不願回應與梁朝偉的緋聞，日前偉仔被拍到擁着一女子在中環出現，並傳出與劉嘉玲已分手，Maggie昨罕有地談及與偉仔的緋聞，表示感到無聊。
Maggie上周五度過三十八歲生日，問到她怎樣慶祝？她說：「做咗咁耐人，生日好閒啫，冇特別願望，同家人食餐飯當慶祝囉。」問Maggie其法籍前夫有沒有致電道賀？她猶豫地說：「唔講呀。」有傳聞指其新男友亦是法國人，Maggie笑說：「係咩？好多傳聞都可以傳，不過呢個夠新喎。」
提到與偉仔合拍《英雄》時打得火熱，Maggie開腔否認說：「我拍戲時一定同張曼玉三個字有距離，否則會困喺框框跳唔出嚟。傳聞寫到邊啲係真、邊啲係假已經分唔到，我接受傳媒之間有競爭，每間都要寫出更厲害嘅新聞，唔理有冇根據。我唔可以睇得太重，只能夠用唔睇嘅方法，等嗰啲嘢唔會傷害我。」
被問到與偉仔的緋聞，Maggie仍保持笑容地說：「我只覺得無聊，遲啲你哋就會知道真相。虧寫嗰個又唔會覺尷尬，寫錯又唔會唔好意思，呢樣嘢唔夠佢嚟，惟有唔睇算數。」
Maggie更笑着搖頭表示現時沒有拍拖，然而提到偉仔有新女伴一事，Maggie說：「唔知喎，唔好問我。」至於偉仔被拍得喝醉酒的照片，Maggie反問：「係咩？」記者再告訴她有傳偉仔與劉嘉玲已分手的消息，Maggie即充耳不聞急步離去。
另外，F4成員吳建豪曾公開表示暗戀Maggie，Maggie聞言後愕然地說：「嘩！呢個係邊個？唔好意思，我真係唔識佢，不過我要多啲留意吓，希望可以互相欣賞啦。」
而提到減片酬救影市，Maggie表示要看劇本而定，她說：「個市咁差，同我哋不斷拍番十五至二十年前、八十年代嘅題材有關，新嘅電影人應該試多啲，唔係一堆明星就收得。」
採訪：林妙萍
攝影：黃文成