【本報訊】天文台承認中秋節晚預測出錯是一次「專業的挫敗」，並向市民表示歉意。不過天文台堅持當晚突如其來的雷雨是現階段的科學所無法準確預測，有業餘氣象愛好者則抨擊天文台當晚竟連黃色暴雨也不發出，有違既定警告信號機制。
天文台助理台長林超英昨日在商台節目《風波裡的茶杯》中公開致歉：「我哋自己都覺得好唔好意思，如果我哋預測得到，大家唔使淋雨就最好啦。我哋今次唔能夠令人趨凶避吉（註：應為趨吉避凶），我哋自己都覺得好失敗！」
天文台昨日發出新聞稿解釋，前日凌晨的雷雨屬局部地區性，形成與消散極具隨機性，現階段的科學亦無法準確預測。林超英坦言：「我哋的確冇諗過，後嚟會有咁強嘅雷雨，所以喺我哋嚟講，真係一件失敗嚟嘅，我哋絕對唔會逃避呢樣嘢。我哋自己都唔想咁樣嘅，從專業角度嚟講，直情覺得係一個挫敗！」