幾間大學唔知係咪約定，理工大學、科技大學同公開大學噚日一齊宣布頒授榮譽學位名單，十八位傑出人士榜上有名。兩位演藝界人士同獲大學表揚，包括憑藉電影《卧虎藏龍》奪得奧斯卡金像獎最佳美術指導嘅葉錦添，係十位獲理大頒授大學院士名銜嘅其中一人；而影壇長青樹蕭芳芳﹙圖﹚就獲公開大學頒授榮譽文學博士學位。
公開大學重頒學位畀協成行集團主席方潤華（榮譽社會科學博士學位）、機場管理局主席馮國經（榮譽工商管理博士學位），同德國哈根遙距大學創校校長彼得斯教授（OttoPeters）（榮譽文學博士學位）。獲得科大榮譽博士學位嘅係物理學家楊振寧、中國證監會副主席查史美倫、國際貨幣基金組織第一副總裁克魯格教授（AnneO.Krueger）同美國加州大學聖塔芭芭拉分校校長楊祖佑教授。
傳真︰2623-9278
電郵︰