葉蒨文早前接受新城電台節目《娛樂一早》錄音訪問時，透露當年並非刻意要退休，只是想停一停，她說：「因為嗰時有啲歌唔鍾意唱，好似電影《鐵達尼號》嘅主題曲《繫我心弦》，其實我真係唔想唱，我覺得唔會唱得好過CelineDion，但當時李進話好辛苦先攞到個中文版版權，我都好感動，結果先入為主之下，隻歌反應只係一般。」
葉蒨文還表示並不喜愛目前的香港，因為當歌星聲勢一跌，全世界都會指他跌，她認為這是不尊重的行為，葉蒨文說：「我唔介意人哋話我唔再流行，就好似有網友喺網上大鬧我唔紅，叫我啲fans唔好再鍾意我，但我唔嬲，重同個網友通信，結果佢變得好nice。」