在整個GameShow入面最令人驚喜嘅，並非乜乜新Game，而係場內居然有一個屬於香港人嘅展館。原來今次是由政府資助及帶頭，集合香港多間頂尖數碼娛樂公司，將多款出色的香港作品帶到日本，等國際傳媒都知道香港人嘅製作技術一啲都唔輸蝕。
記者、攝影：徐影龍
相比其他廠家，Konami今年冇乜大作展出，較為吸引算係呢隻《SlientHill3》，氣氛同樣黑暗可怕，最可惜現場不設試玩，完成度有限，看來有排先可以推出。
魂斗羅都算經典中嘅經典，新作沒有一窩蜂追求3D立體圖像，反而走回平面動作類型，遊戲玩法一貫地出現排山倒海嘅敵人，喜歡此作品的玩家留意。
Bandai近年有點稍欠新意，不是高達就是機械人大戰，今次依舊食老本出高達新作，呢隻《GGenerationNeo》最特別係可調亂機師控制，令夢幻戰鬥組合重現。
光榮今次並冇《三國志IX》嘅試玩，只得一小段影像頗為失望，除9月26日推出嘅XBOX版《真．三國無雙2》外，只得一款動作Game《紅之海》較有睇頭，可謂《真．三國無雙》的科幻版。