電腦新產品：
東芝兩大機王　從新演繹無線精神

東芝剛推出之兩部新手提電腦，除以高速處理器及滿載之記憶體外，最特別係兩部機都大賣Wireless功能，不過並非大熱嘅Wi-Fi或藍芽無線網絡傳輸，反而着眼點喺無線操控方面，唔計機能，在創意上已經攞滿分。

記者、攝影：徐影龍

Satellite1950規格表
處理器：P42.2GHz
記憶體：512MB
硬碟：40GB
顯示屏：16”TFT
顯示晶片：GeForce4440Go
光碟機：ComboDrive
體積：346×328×57mm
重量：4.39kg

Satellite1950鍵盤滑鼠拆出嚟用
第一部介紹係東芝呢部Satellite1950，最突出地方首推其可拆式鍵盤，用家可按環境需要而拆下，在較遠地方都可輸入文字，加上鍵盤設計極為輕薄，增添不少靈活性。跟機附有一個光學式滑鼠，同樣係對應Wireless，配合無線鍵盤足以在遠距離底下，靈活操控電腦。由於接收器內置喺機身之中，故此並唔可以抽走在其他電腦上用。筆者分別實地測試過無線鍵盤同滑鼠，在五、六呎距離都唔會影響穩定性，拍得住桌面電腦用開嘅無線產品。
呢兩樣無線裝置對一般用家可能冇乜用，不過對於需要經常要做簡報會，又或講授課程之人，毋須下下遷就電腦位置，的確方便得多。

運算速度掛帥
呢部機另一樣突出地方，就係其中上級嘅機能配備。處理器採用P42.2GHz，在Notebook嚟講已屬最頂級型號，而記憶體亦增至512MB，最盡可加到1GBRAM。在圖像方面亦毫不輸蝕，除16”特大屏幕外，機身更內置nVIDIAGeforce4440Go顯示晶片（32MB），繪圖或打機表現極佳，非一般整合式晶片可比。光碟機則使用逐漸普及嘅ComboDrive，能讀取DVD及燒錄CD，令娛樂及實用性兼備。綜觀以上機能，Satellite1950比好多桌面電腦重要優勝，可謂市面上數一數二嘅頂級機種。

Satellite5100規格表
處理器：P4-M1.8GHz
記憶體：512MB
硬碟：40GB
顯示屏：15”TFT
顯示晶片：GeForce4440Go
光碟機：ComboDrive
體積：330×296×47.6mm
重量：3.3kg

Satellite5100　cPAD首度加入夠搞鬼
5100則針對真正流動用家，在機身設計上比Satellite1950纖薄輕巧得多，攜帶出外使用都好方便。機身設計最大特色係將傳統TouchPAD注入新概念，不但可當滑鼠使用，而且四邊角位都預設一啲常用嘅快捷功能鍵，如開啟菜單、上下捲動等，轉換至另一頁時更會發覺數個細小Icon，用作快速開啟各類程式之用，值得一提係cPAD背景設有圖案，十足十一個小型Windows咁，相當之得意鬼馬。

主打數碼娛樂
此機主打賣點在於其多媒體娛樂用途之上，雖然在機能比上不1950咁搶眼，處理器只得P4-M1.8GHz，不過對於一般用家已算十分足夠，加上512MB記憶體及同樣採用GeForce4440Go顯示晶片，顯示記憶體更加大一倍至64MB，對專業繪圖員及設計師工作，都可應付裕如。光碟機同樣採用ComboDrive，最正係兩邊喇叭由名廠harman/kardon製造，配合內置重低音喇叭，令到打機同睇碟增添不少臨場感，亦可透過附設之紅外線遙控器播放各類多媒體檔案。另外機側更設有SD及SmartMedia插槽，可直插記憶卡抄相，節省金錢之餘，在戶外工作時亦毋須多帶一個CardReader。

其士商業
查詢電話：29533555