為慶祝出前一丁來港三十周年，日清食品最近喺市面推出咗兩款紀念版包裝出前一丁麫，分別為五香牛肉麫及麻油麫，特別之處係價錢無貴到，但每包麫嘅份量就增多咗百分之十，更加抵食。 出前一丁麫品質一向都唔錯，採用植物油調味，加上麫質煙韌彈牙，家陣每包份量又多啲，我梗即刻趁手入貨啦！