聯合國難民公署噚日同奧海城合辦咗個叫「為和平揮杆」嘅慈善高球活動，除咗一班社交名人去湊熱鬧外，場內重有一個好特別嘅嘉賓，就係曾經喺九六年攞咗諾貝爾經濟學獎嘅得主莫里斯（SirJamesMirrlees），呢位莫里斯來頭好勁，對資訊不對稱下嘅誘因理論作出好大嘅貢獻。
噚日喺奧海城嘅活動中，應屆港姐冠軍林敏俐重好有緣同莫里斯玩MusicChair嘅遊戲。遊戲玩到尾時，莫里斯大顯紳士風度讓林敏俐，結果佢就輸咗要罰錢，唔知係咪莫里斯啱啱落機冇乜港紙喺身，結果只係喺個袋拎咗兩張二十蚊紙出嚟，但唔緊要啦，捐錢嘅嘢，多多益善，少少無拘嘛。
諾貝爾經濟學獎得主莫里斯（圖右）出席「為和平揮杆」活動，圖左為應屆港姐林敏俐。 仇志中攝
傳真︰2623-9278
電郵︰