遲來的風褸　遲來的禮物
Rosemary：我今個生日唔開心

混血名模Rosemary前晚以嫦娥造型往赤柱出席活動，她表示今年生日不開心，因為很多朋友忘記她的生日，閱報後才補送禮物，連男友Gordan送給她的風褸，前晚她亦表示「終於收到」。

名模Rosemary在前晚的中秋夜穿上古裝，以嫦娥扮相往赤柱出席「繁星嫦在赤柱夜」活動。Rosemary表示並非首次穿古裝，她說：「雖然着古裝好熱，但係都幾好玩。」

上月球要帶狗仔
記者告知Rosemary中秋節嫦娥與吳剛的浪漫故事，兩人更在月亮過生活，問她會否羨慕？她笑說：「都幾得意，兩個人喺月亮上過一世太悶啦，最好帶埋隻狗仔上去就好啦。」
Rosemary又透露前晚其男友Gordan有約她收工後到沙灘，與大班朋友一起賞月，但她已拒絕。日前Rosemary二十一歲生日，Gordan曾表示會送風褸給她，問她是否已收到風褸？她說：「終於收到啦，我哋之後重一齊食咗餐飯，不過我今個生日都唔係幾開心，好多朋友都係睇咗報紙先至補送禮物畀我。」

「Gordan邊有錢？」
前晚Rosemary除了有母親Julie陪伴外，其父亦來接她收工，一家人共度佳節。問Julie今年女兒生日有沒有送大禮給她？Julie說：「年年送重得了？佢十八歲生日時我送過戒指畀佢，二十歲就送咗頸鏈畀佢啦。」
早前Julie曾透露會送車給女兒，她說：「呢啲唔係我送嘅。」問她是否覺得應由Gordan送？Julie即時說：「佢（指Gordan）邊有錢呀？」
採訪:RitaLeung、DebbieLum
攝影:EdwardChou、LoTakKwong